Redacción

Saiu á rúa a nova presentación editorial do semanal A Nosa Terra coincidindo coa celebración dos seus 100 anos de andadura.

O xornal fundado en 1907 como voceiro das Irmandades da Fala e, posteriormente, órgano de expresión do Partido Galeguista, cumpre un século en medio dunha profunda reconversión que vai máis alá dunha mudanza de imaxe na edición impresa.

Sobre un papel de mellor calidade e a todo cor, A Nosa Terra ten máis páxinas pero seguirá sendo semanal. Ao seu aveiro medra un portal dixital con contidos renovados a diario e que se estreou nun acto público celebrado no Centro Social Caixanova de Vigo.

Esta plataforma pretende conectar co público mozo e ofrecer novos servizos, como senllos canles dixitais de radio e televisión. "Queremos volver a dar protagonismo ao xornalismo de investigación e aos reportaxes, e potenciar os temas sociais que agora son os que máis interesan aos nosos lectores sen perder o noso compromiso co idioma e a cultura de Galiza", explicou o xornalista lucense Alfonso Eiré, quen se estreou como conselleiro delegado do grupo editorial, tras exercer como director do xornal desde 1981, data na que o semanal galego trasladou a súa sede a Vigo desde Santiago.