|
   XORNAL GALEGO DE INFORMACIÓN XERAL
:::: EDICION DIXITAL Actualizado ás 09:15 |
galiza
O vicepresidente da Xunta, Anxo Quintana, anunciou que na reunión que mantivo co titular do Executivo central, José Luis Rodríguez Zapatero, quedou acordado o traspaso de 9 novas competencias para Galiza, que se materializarán nunha Comisión bilateral a próxima semana, e en xaneiro quedarán formalizadas na comisión Mixta.
O Goberno central excluirá ás rías galegas da posible instalación de parques eólicos mariños, aínda que considera "aptas" dúas zonas situadas nas proximidades dos concellos da Guarda, O Rosal e Oia (Pontevedra), e ao norte da Mariña oriental de Lugo, segundo reflicte o Estudo Estratéxico Ambiental de litoral español elaborado polos ministerios de Industria e de Medio Ambiente.
Os grupos parlamentarios do PsdeG, BNG e PPdeG enviaron ao rexistro da Cámara galega a Proposición de lei orgánica que demanda a transferencia das competencias en materia de tráfico, circulación de vehículos e seguridade vial.
Os Orzamentos do Goberno central carecen dunha cláusula na súa redacción que aluda ao seu obrigado cumprimento.
O certo é que cada ano é difícil que uns e outros Executivos cheguen a un 100% de execución e a última lexislatura -que está a piques de concluír- non é unha excepción.
O presidente da Xunta, Emilio Pérez Touriño, asegurou que ETA "será derrotada" e os asasinos "unha vez máis pagarán a súa culpa", tralo atentado acontecido o sábado no sur de Francia no que morreu un garda civil e outro resultou ferido de gravidade.
Breves
Touriño asegura que a súa viaxe a Cuba e México culmina unha primeira etapa da acción exterior do Goberno
O titular do Goberno galego, Emilio Pérez Touriño, asegurou ante o pleno do Parlamento que a súa recente viaxe a Cuba e México permitiu pechar unha primeira etapa na acción exterior do Executivo autonómico que traza o camiño de futuras relacións con eses países, ademais de con Arxentina e Brasil.
O Centro Tecnolóxico do Mar superará os 6,6 millóns de euros de orzamento en 2008
O Centro Tecnolóxico do Mar (Cetmar) disporá o próximo ano de 6,6 millóns de euros. A esta contía, produto dos seus orzamentos de explotación e de capital, contribuirá a Consellería de Pesca, que achega 600.000 euros. A partida concedida polo departamento de Carmen Gallego é 200.000 euros máis elevada que a do ano anterior.
A partir de febreiro os altos cargos publicarán en internet as súas declaracións de actividades
Todos os altos cargos do Goberno galego nomeados por decreto do Consello da Xunta publicarán a súa declaración de actividades en internet e no Diario Oficial de Galicia (DOG) a partir do vindeiro mes de febreiro. Así o anunciou no Parlamento o presidente da Xunta, Emilio Pérez Touriño, quen asegurou que a Lei de Transparencia aprobada pola Cámara autonómica marca “un antes e un despois” na historia da Comunidade.
 ©2007 - Optimizada para 1024x768
©2007 Xornal A PENEIRA |