|
Óscar Pereiro continúa cos pés no chan. A pesar de
que todo o mundo o proclamaba xa gañador do Tour
de
Francia el é o primeiro en actuar con cautela e non
quere vangloriarse ata que sexa oficial. Unha
proclamación que chegará ao menos "con cinco meses
de retraso". Iso sempre e cando
non se demore máis e se cumpran as sospeitas de
Christian Prudhomme, director xeral do Tour quen
apuntou que o gañador de 2007 podería coñecerse
antes que o do 2006,a pesar de que os últimos
rumores dicían que había unha aceleración do
proceso. Deses rumores falamos con Pereiro.
 María
Díaz / FOTOS: Héctor Canto
-Corren rumores de que a organización do Tour
confirmará o título esta semana…. É verdade?
-Máis que correr rumores é verdade que o oito de
febreiro Landis terá que declarar en Francia. É
posible que ese mesmo día o sancionen a nivel
Francia, pero creo que ese día non o destituirán do
Tour, aínda, dáme que esto se solucionará para o mes
de xuño, é unha opinión persoal.
-Crees que esta confirmación chega demasiado tarde,
sexa en febreiro, sexa en xuño?
-Sí, chega con cinco meses de retraso, se chega.
Claro que estamos a perder moitísimas cousas, a
nivel publicidade, a nivel económico, a nivel poder
vender algo que é moi difícil conseguir como é un
Tour de Francia. O único que podo pedir por respecto
ao seguidor, por respecto ao equipo e, como non, por
respecto a min, é que inda que chega tarde e sen
hora a veces un perdón, por moi tarde que chegue, no
deixa de ser un perdón. Por exemplo neste caso, un
Tour de Francia, inda que chegue medio ano despois
non deixa de ser un Tour e creo que debería vir,
inda que sexa tarde...
-Falas a nivel equipo, a nivel afeccionado, e a
nivel persoal....
-A nivel persoal... evidentemente, fastidiado,
fodido (sic) e sobretodo porque cada pouco tempo
teño que falar comigo mesmo e dicirme, "oe, que sigo
a ser segundo do Tour, etc. etc.." porque ás veces o
cariño que te ten a xente as gañas que de que te
proclamen xa gañador fante que te subas a pola e que
de vez en cando se te escape da boca a palabra
gañador. Pero por respecto a Floyd a as miñas ideas
nunca direi que son gañador do Tour ata que o sexa
oficialmente, aínda que sei que a xente está con
moitísimas gañas de que o sexa xa dunha vez.
-Botas en falla subir ao podio. Crees que deberías
recibir o título en París.
-Está claro. O día ese, o 23 de xullo xamais o
poderán devolver, as emocións, os sentimentos...
todo o que é ese día é imposible que o devolvan con
nada, pero polo menos creo que si chega o momento e
teñen que proclamarme gañador do Tour evidentemente
creo que teño que facelo alí. Sería moi bonito
facelo na saída do próximo Tour.
-A qué crees que se debeu o ataque directo de Le
Monde?
-É algo tan estúpido que por moitas voltas que lle
de á cabeza - e mira que cando un entrena cinco
horas seguidas enriba da bicicleta ten tempo a
pensar de todo - non lle atopo ningunha explicación,
e máis cando se ve que simplemente foi... eu diría
unha falta de educación, igual, eu tampouco diría
neglixencia, como eles din de min.. En setembro eu
enviei directamente a Francia eses documentos que
eles piden. No fondo eu creo, e non estou criticando
o Tour, senón a Le Monde, pois envexa de que Óscar
Pereiro non fose francés e tivese a posibilidade de
gañar o Tour.
-Nalgún momento púxose Le Monde en contacto contigo
para contrarrestar a noticia?
-Non e creo que non o van a facer. É un xornal que
está acostumado a tirar a pedra e esconder a man.
Eu, ante todo, ainda que sei que non cometín nigunha
inflacción, que non fun en contra das normas, son
unha persoa que se tivera que pedir perdón a Axencia
Antidopaxe o faría, por eso gustaríame que Le Monde
o fixera comigo, porque foi un gran erro e a gran
sorte foi que puidemos actuar rápido. Creo que o
dano foi mínimo. Quen saiba o que é o Ventolín
saberá ao que me refiro.
-Sentícheste apoiado polo equipo, pola federación,
pola UCI...?
-Sí, si. Evidentemente estamos nunha situación e
están nunha guerra de poderes entre tanta xente que
eu me sentín apoiado, aínda que é verdade que,
algunhas veces, gustaríate que algún que outro
pegara o puñetazo enriba da mesa un pouco máis
forte. Vista a situación na que estamos e como era
un tema que se ía solucionar moi rápido e moi
sinxelo, entendo que para que non se deterioraran
máis as relacións entre diferentes institucións que
fixeran todo de maneira tranquila.
-Quen te gustaría que pegara ese puñetazo máis forte
sobre a mesa?
-Pois o Consello Superior de Deportes Español, por
exemplo.
-Para cando Óscar Pereiro no Karpin Galicia?
-Bonita pregunta. No 2007 non seguro. Acabo contrato
agora pero
vexoo difícil de cara o ano que ven
porque o mal me van a min as cousas para non ter un
calendario internacional ou espero a que o Karpin
suba de categoría. Neste momento é complicado,
estamos en diferentes niveis, sen menosprezar a
ninguén,m pero eu preciso un calendario a nivel
mundial, preciso correr o Tour, carreiras de
primeiro nivel e o Karpin está nesa fase de
aprendizaxe que ten que ir pouquiño a pouco, pero si
que me gustaría antes de rematar a miña carreira
pasar polo Karpin e facelo aquí, no equipo da terra. |
|
Cada
pouco tempo teño que falar comigo mesmo e dicirme,
"oe, que sigo a ser segundo do Tour, etc. etc.."
Me
gustaría antes de rematar a miña carreira pasar polo
Karpin e facelo aquí, no equipo da terra. |
