redacción

Touriño, anunciou que no segundo semestre deste ano aboarase unha paga anual de 200 euros como complemento autonómico ás pensións non contributivas, unha medida que beneficiará a 50.000 persoas en toda Galiza.

O presidente galego significou que este complemento “significa un incremento do 4% na pensión de cada perceptor” e engadiu que esta medida permitirá axudar aos cidadáns con menos recursos, sobre todo os que perciben pensións mínimas, que son “quen máis sofren en carne propia o encarecemento dos alimentos e as dificultades para acceder a unha vivenda”.

En total, a partida orzamentaria destinada a esta paga anual elévase a 10 millóns de euros, unha cantidade que, no actual escenario de crise económica “axudará a revitalizar o consumo e, por lo tanto, a acrecentar a demanda interna da nosa economía”, apuntou.

O presidente da Xunta referiuse precisamente á situación de desaceleración económica para subliñar as iniciativas que tanto o seu Goberno como o do Estado están levando a cabo para minimizar os seus efectos e afirmar que a economía galega é nestes momentos “máis robusta e máis activa que hai tres anos”. Pérez Touriño lembrou que Galiza medra máis e de forma máis equilibrada cás comunidades do seu contorno, o que se traduciu “nunha intensa creación de emprego e nunha histórica rebaixa dous índices de paro”.