redacción

A Comisión Europea propuxo incrementar un 2 por cento as cotas de produción leiteira a partir do 1 de abril de 2008, polo que a cota española ascendería ata os 6.239.289 toneladas de leite na próxima campaña. Esta proposta de incremento débese á “crecente demanda tanto na Unión Europea como no mercado mundial”, segundo informa a Comisión nun comunicado.

“A reforma da Política Agracia Común (PAC) deixou liberdade aos agricultores para producir para o mercado e a existencia de cotas restritivas de produción leiteira é incoherente con ese obxectivo”, afirmou a Comisaria de Agricultura, Mariann Fischer Boel, nese mesmo documento.

O incremento total de produción para a Unión Europea sería de 2,84 millóns de toneladas, e repartiríase de maneira equitativa entre os 27 Estados membros.

Deste modo, a Comisión desoe en parte as peticións do Ministerio de Agricultura, do Goberno galego e dos produtores de Galiza que, non só demandaban un aumento da produción senón que tamén pedían que se dese máis cotas aos países que máis producen, como España. Hai que lembrar que algúns estados non conseguen producir toda a cota de leite que teñen asignada para cada campaña.

A decisión de aumentar a produción láctea tamén enmárcase na estratexia da Comisión Europea, que pretende ir afacendo aos produtores á nova realidade coa que terán que convivir a partir do 31 de marzo de 2015, cando desapareza o actual sistema de cotas lácteas.

A Comisión xa deixou claro en multitude de ocasiones que ese sistema non continuará a partir de esa data, e así reflectiuno na súa proposta de revisión da PAC presentada o mes pasado de novembro.

Informe
A proposta presentada hoxe pola Comisión, vén acompañada dun informe sobre as perspectivas do sector do leite e os produtos lácteos na Unión Europea.
O informe revela que a demanda de leite aumentou entre 2003 e 2007, absorbendo unha cantidade suplementaria de 5,5 millóns de toneladas, mentres que a produción permaneceu estable debido ás cotas.

O documento prevé que esa demanda siga aumentando de 2007 a 2014, polo que se necesitará unha oferta adicional duns 8 millóns de toneladas para satisfacer o consumo de leite no mercado europeu.

As perspectivas no mercado mundial tamén son afagadoras, tanto no que se refire á demanda como aos prezos. “Non incrementar as cotas impediría á UE aproveitar ese crecemento da demanda e o castelo de prezos”, asegura a Comisión.
Segundo explica o Executivo comunitario, “o mercado ofrece grandes posibilidades para absorber un incremento das cotas do 2 por cento”.

A partir de agora, serán os Ministros de Agricultura e o Parlamento Europeu quen teñan que tomar unha decisión definitiva sobre esta proposta. A Comisión espera que fágano “rapidamente” para que o incremento xa poida entrar en vigor o próximo 1 de abril.