O mal emprego da enerxía limpa do vento está a destruir a potencialidade do noso territorio. Así o denuncian numerosos colectivos veciñais, ecoloxistas, deportivos e culturais. Nos vindeiros meses dous exemplos importantes, referentes no interior e na costa do país, poderían quedar definitivamente en mans de empresas que explotan a enerxía eólica, son as serras da Groba e a do Eixe.
Semellaba un terreo pouco tratado a fondo pero os últimos acontecementos (sentenzas polémicas, folga de funcionarios e erros xudiciais) puxeron de actualidade todo o relacionado co mundo da Xustiza. Desde dentro xa hai sectores que solicitan cambios.
A empresa de construcción Marbar foi o primeiro exemplo da recesión económica da que tanto se fala nos últimos tempos. Atrás deixa unha débeda cos bancos e proveedores de máis de 25 millóns de euros, segundo estiman os seus propios traballadores; aínda que no sector corren rumores de que a cantidade ascende a algo máis de sesenta millóns de euros.
Vinte metros cadrados. Con só vinte metros cadrados conta a Fundación Castelao para dar a coñecer a figura do histórico galeguista despois de 23 anos de funcionamento. Esta entidade de caracter privado creouse o 28 de decembro de 1994 por iniciativa de Ramón Martínez López e Avelino Pousa Antelo. Teresa Rodríguez, irmá de Castelao, foi a presidenta de honra ata a súa morte e na actualidade esta a cargo da entidade Pousa Antelo.
Vicepresidencia apostou por manter un proxecto creado polo Goberno do PP no 2003 e cuxo obxectivo é manter á persoa de idade avanzada no seu medio habitual, facilitando a súa integración no seo dunha familia que lle ofreza un trato afectivo e atenda as necesidades derivadas da súa idade ou minusvalía.
O poema musicado de "Os Pinos" celebrou por todo o alto o seu centenario na Habana, aínda que a verdadeira data do aniversario non será ata o próximo 20 de decembro. No mesmo escenario que entón, o Gran Teatro da capital cubana, volveu a interpretarse a música de Pascual Veiga e as palabras de Eduardo Pondal perante máis de mil persoas que enchían a platea e os palcos.
O texto do himno é froito da correspondencia que mantiveron Eduardo Pondal e Pascual Veiga en 1890, no que o compositor lle solicitaba ao escritor un texto para unha partitura que ía presentar con motivo dun certame que ía elixir o mellor himno galego para o caso que o premio resultase deserto. Logo de varias redaccións envíalle un primeiro texto que titulou Breogán. Pascual Veiga solicítalle algúns cambios na acentuación para adaptalo ritmicamente á música.
Datos do Centro de Documentación Sociolingüística de Galicia sinalan que tan só 7 dos 41 concellos que recibiron unha subvención da Xunta para crear un servizo de normalización lingüística o manterán activo máis alá de finais de ano. Os municipios solicitaran as axudas antes das eleccións e son agora os novos gobernos os encargados de xestionalas. A Dirección Xeral de Política Lingüística creará, antes de fin de ano, un consorcio de planificación no que figurarán o goberno autonómico, as deputacións e os gobernos locais.
Os últimos meses varios sucesos protagonizaron as portadas dos medios de comunicación no Estado español. Ataques violentos realizados por persoas vencelladas á últradereita lembraron, de súpeto, que aínda hai moitos que cren e queren tempos antigos e por moitos esquecidos. Segundo fontes oficiais existen no Estado español máis de 10.000 persoas con tendencias políticas próximas ao pensamento anticonstitucional herdeiro do franquismo.
“Porque unha reunión social nun parque está mal vista e que os adultos se emborrachen nun pub è algo normal?” pregunta Silvia, de 20 anos, mentres sostén unha copa de vodca con zume de laranxa nun parque infantil. “Eu estou aquí para pasar un rato agradable cos meus amigos, e de paso aforramos algúns cartos”.
Convenios millonarios con determinados medios de comunicación, subvencións sen control algún, escurantismo e falta de transparencia son algunhas das conclusións que resultan do informe presentado polo Consello de Contas sobre a actuación autonómica no ano 2004.
A Comunidade de Traballo Galiza-Norte de Portugal acordou na súa reunión plenaria, celebrada na localidade portuguesa de Guimarães, impulsar a posible creación do Parque Internacional de Xurés-Gerês, para o que tamén solicitarán o recoñecemento como reserva internacional da biosfera por parte da
Unesco. Neste sentido, ambas rexións presentarán unha candidatura conxunta no 2008.
O mes de Abril trouxo este ano moito máis que auga a Compostela. A maxia e a ilusión ocuparon as rúas da capital de Galiza nunha semana na que todo era posíbel: "A primeira semana internacional de Ilusionismo" lembrou aos composteláns e compostelás que hai todo un mundo máis aló da realidade cotiá.
Os novos gobernos municipais enfróntanse en moitos concellos a unha ardua tarefa: continuar coa xestión de goberno nunha situación orzamentaria precaria. Así acontece, por exemplo, e segundo denuncias dos gobernos entrantes nos concellos de Ourense e Vigo. En ambos municipios as anteriores corporacións,
ambas do PP, deixaron as arcas valeiras. Os gobernos entrantes deben asumir agora, mediado o exercicio, ampliación de créditos e, no caso de Ourense, asumir a débeda do anterior goberno. Nesta situación vese envolta tamén a Deputación de Lugo.
