Redacción

A Comunidade de Traballo Galiza-Norte de Portugal acordou na súa reunión plenaria, celebrada na localidade portuguesa de Guimarães, impulsar a posible creación do Parque Internacional de Xurés-Gerês, para o que tamén solicitarán o recoñecemento como reserva internacional da biosfera por parte da Unesco. Neste sentido, ambas rexións presentarán unha candidatura conxunta no 2008. Pero este non é o único proxecto acordado en materia medioambiental no órgano de xestión da Eurorrexión, xa que este ámbito foi un dos protagonistas do encontro, xunto coas infraestruturas.
Galiza e o seu veciño do norte portugués colaborarán na prevención dos riscos naturais, fundamentalmente os derivados dos ríos e os incendios, para o que elaborarán unha cartografia e protocolos de actuación. As dúas rexións limítrofes tamén abordará a xestión conxunta e a sostenibilidade das contas hidrográficas do Miño, Limia e Támega, algo que “é a primeira vez que se pensa en común”, salientou o presidente da Xunta, Emilio Pérez Touriño.

Rede de Camiños Naturais
Ademais, darase continuidade en Portugal ao proxecto galego de creación dunha Rede de Camiños Naturais, dous dos cales inícianse ou atravesan o Parque de Xurés (Baixa Limia, Ourense)- Gerês. Son o denominado Vía Nova, que comeza en Braga ata a fronteira con Lobios, en Ourense, e pasa pola Serra dá Lastra ata Astorga, e a Vía do Interior, que seguindo a vía romana enlaza o Xurés con Lugo para seguir ata Asturias.
O plenario da Comunidade de Traballo serviu para aprobar o Plano de Cooperación Transfronteiriza Galicia-Norte de Portugal 2007-2013, dotado con 97 millóns de euros, 73,8 procedentes da cooperación territorial da UE e o resto cofinanciado polas dúas rexións.
Do orzamento total, irá destinada unha partida de 20 millóns ao Parque Natural Baixa Limia Serra do Xurés- Parque Nacional Peneda Gerés, de cara a convertelo en Parque Internacional, aproveitando a oportunidade que brinda a nova Lei Española de Patrimonio Natural e da Biodiversidade, que contempla esta nova figura, mentres que en Portugal está sendo elaborada outra normativa similar.
Outros 12,5 millóns empregaranse nas melloras das cuncas hidrográficas, mentres que 4 millóns máis serán para accións dirixidas ao Parque Natural de Montesinho (Portugal) e seu limítrofe de Pena Maseira (Galiza).

Cooperación
A intención deste plenario e da nova programación ata 2013 é inaugurar “unha cooperación de segunda xeración” entre Galicia e o Norte de Portugal que axude a consolidar a Eurorrexión.
Trátase de converter este territorio “nun lugar atractivo para investir, vivir e traballar”, manifestou Touriño, no discurso que puxo fin a esta reunión en Guimaraes.
Así o Plano de Cooperación para os próximos anos contempla a colaboración no campo do mar, con actuacións no ámbito da calidade do medio mariño, o sector almentario ou os estaleiros.
Tamén haberá accións para a internacionalización das pequenas e medianas empresas, e o desenvolvemento de servizos comúns no terreo social.
AEurorrexión Galicia-Norte de Portugal foi creada no 1991 agrupando a un total de 401 concellos da comunidade galega e a rexión portuguesa. En total, trátase de 50.853 quilómetros de superficie e 6,3 millóns de habitantes, en datos de 2001.

O Parque Nacional da Peneda-Gerês naceu o 8 de Maio de 1971, converténdose na primeira área protexida e no único parque Nacional de Portugal.
A área do PNPG atópase dividida en área de Parque ou zona natural (zona de protección integral, correspondente a un tercio da área) e de Pre-Parque ou zona rural. Localízase no Alto Noroeste de Portugal, na fronteira con España, cubrindo unha área de 72.000 hectáreas e repartíndose polos concellos de Melgaço, Arcos de Valdevez, Ponte da Barca, Terras do Bouro e Montalegre. Engloba, de Norleste para Sudoeste, as sierras do Gerês, Soajo, Amarela e Peneda e os altiplanos da Mourela e de Castro Laboreiro. O punto máis elevado localízase en serra do Gerês e sobrepasa as 1500 m. É de atravesado por moitas liñas de auga, de entre as cales destácanse os ríos
Cávado, Lima e Home. As árbores que destacan neste paraxe natural son os carballos. O xabarín e o venado son os animais máis comúns na zona.