redacción

Alfredo González Ruibal membro da asociación Verbo Xido e pertencente a unha coñecida familia de Soutelo De Montes, profesor da Universidad Complutense de Madrid e arqueólogo de recoñecido prestixio internacional, recibiu no pasado mes de xullo unha nova demanda de conciliación por parte da familia de Manuel Gutiérrez Torres, ex alcalde franquista de Cerdedo e antigo xefe local da Falange, unha vez máis por atentar, supostamente, contra a honra do devandito.

A razón esgrimida para unha medida tan extrema, é a mesma que orixinou o enxuizamento do historiador Dionísio Pereira: citar a Manuel Gutiérrez Torres como “presuntamente” relacionado coa represión franquista nesta bisbarra.

Desde “Verbo Xido” consideran este recurso aos Tribunais "como unha tentativa máis de intimidar a tódalas persoas  debruzadas na investigación da nosa historia recente, para coñecer a verdade duns feitos terribles que nos foron ocultados durante setenta anos".

A denuncia póñena polo que sae nesta páxina web

http://humanitieslab.stanford.edu/GonzalezRuibal/1144

 que é parte da páxina persoal do denunciado, Alfredo González Ruibal, investigador de prestixio que neste momento traballa na Stanford University.