|
   XORNAL GALEGO DE INFORMACIÓN XERAL
:::: EDICION DIXITAL Actualizado ás 09:15 |
comarcas
A Consellería de Traballo subvencionará o acondicionamento e rehabilitación do contorno natural e patrimonial do concello pontevedrés da Guarda. O delegado provincial da Consellería de Traballo en Pontevedra, Pedro Borrajo Rivas, xunto ao alcalde do Municipio, Xosé Manuel Domínguez Freitas, inaugurou a escola obradoiro Manuel B. Portela V , promovida polo concello da Guarda.
O pasado 5 de decembro tivo lugar na parroquia tomiñesa de Barrantes unha sementeira de carballos, a cargo dos nenos e nenas do colexio público de Barrantes e promovida pola Fundación Mátrix e Fundación + Árboles co patrocinio de Caixa Galicia e Comunidade de Montes de Barrantes, e a colaboración do Laboratorio de Ecoloxía Aplicada da Universidade de Vigo.
Neste caso á segunda foi á vencida. Logo dunha primeira negativa do pleno, a corporación municipal de Gondomar volveu a levar na orde do día o convenio co Consorcio Galego de Servizos de Igualdade e Benestar que posibilitará que o concello poña en marcha a gardería municipal no primeiro trimestre de 2008, neste caso convertida en Galescola.
O Concello de arzúa amosa novamente o seu carácter pioneiro en materia de servizos sociais. Será o primeiro Concello da Comarca en poñer en marcha de forma experimental un servizo de comedor a domicilio para persoas maiores, tanto se viven no casco urbano como nas parroquias. Trátase dunha experiencia piloto que xestionará o Concello despois de ter recibido unha aportación de 3.000 euros de Vicepresidencia.
Breves
Máis de 650 mozos de Ames escollen o camiño máis seguro para volver a casa
Despois dunha noite de marcha pódese coller o coche, opción pouco recomendable sobre todo se houbo algunha copiña de alcohol polo medio, ou pola contra pódese utilizar o Noitebús. A última opción foi a que escolleron nos meses de outubro e novembro uns 660 mozos e mozas de Ames, Brión e Teo para achegarse ata Santiago de Compostela e o que é máis importante, para regresar ás súas casas.
Os servizos sociais de Amoeiro farán o reparto a dominiclio dos alimentos da Cruz Vermella
A área de Servizos Sociais do Concello de Amoeiro que xestiona o nacionalista Urbano Rodríguez procederá nos próximos días ao reparto nos domicilios dos lotes de alimentos excedentes da Unión Europa e que canaliza a Cruz Vermella. En anos anteriores, eran os beneficiarios os que debían acudir á Casa do Concello para recoller os produtos, porén para evitar longas esperas e desprazamentos o tenente de alcalde, acordou que agora será o persoal dos servizos sociais os que se trasladen aos domicilios.
A futura praza do Concello de Moaña abrirá o consistorio a tres rúas
A proposta de configuración da nova praza do Concello de Moaña recolle a novidade de abrir o consistorio a tres rúas. O edificio municipal terá acceso dende a PO-551 por un camiño central que comunicará ese vial coa entrada principal do Concello. Asemesmo, haberá dous camiños transversais que enlazarán coa vía central dividindo a parcela que está situada diante do inmoble en catro zonas diferenciadas.
 ©2007 - Optimizada para 1024x768
©2007 Xornal A PENEIRA |