redacción

A Conselleira de Vivenda e Solo, a nacionalista TeresaTáboas, presentou en Lugo o proxecto gañador do Concurso de ideas para a rehabilitación integral do Pazo de Dona Urraca e o seu entorno cuxa autoría corresponde ás arquitectas Belinda Besada e María Esther Faílde.

O Pazo de Dona Urraca e o seu entorno, a denominada Unidade de Intervención 8 (UI-8), inclúe 2 edificios de apartamentos de nova construción de 1 e 2 dormitorios para mozos de 35 anos e maiores de 65 anos, un Centro de Día de Atención a Maiores que irá ubicado na pranta baixa dun destes edificios interxeracionais, a rehabilitación do edificio da Rúa Falcón número 18 que albergará unha vivenda para mozos, rehabilitación do Pazo de Dona Urraca para albergar un Centro de Estudos e Investigación de Servizos Sociais, a posta en valor dos restos arqueolóxicos achados na zona e a conexión deste ámbito co Centro Histórico e Lugo a través dun paso cuberto.

Edificios interxeracionais
Dous edificios interxeracionais de nova construción albergarán 11 apartamentos para mozos e maiores. Nove dos apartamentos terán 1 dormitorio e unha superficie de entre 40 e 45 metros cadrados útiles e 2 apartamentos terán 2 dormitorios e entre 52 e 57 metros cadrados útiles. Todas as vivendas contarán cun baño de 5 metros cadrados e un dormitorio de 12 metros cadrados, ademais da zona de estar e a cociña.

O primeiro dos edificios, de 2 plantas, albergará 4 vivendas de 1 dormitorio e o outro edificio, tamén de 2 plantas, contará con 8 vivendas: 5 vivendas de un dormitorio e 2 vivendas de 2 dormitorios.