A Peneira dixital - A conselleira do Mar reuniuse coa Confraría de Cangas para falar sobre a obra do porto de Massó

A conselleira do Mar reuniuse coa Confraría de Cangas para falar sobre a obra do porto de Massó

Escrito por Redacción

martes, 08 de septiembre de 2009

Rosa Quintana

A conselleira do Mar, Rosa Quintana, reuniuse en San Caetano con representantes da confraría San José de Cangas, o patrón maior, Evaristo Fernández, e o xerente, David Fernández, quen manifestaron a súa preocupación sobre a evolución da obras do futuro porto deportivo de Massó.

Os representantes da confraría trasladaron un informe sobre a actividade pesqueira na zona de Cangas e o desenvolvemento da obras. A conselleira comprometeuse a estudar a información que lle foi entregada e trasladou a Evaristo Fernández e David Fernández a súa vontade de trasladar esta información ao presidente da Xunta, Alberto Núñez Feijóo, e a Portos do Estado.

A Consellería propuxo a creación inmediata dunha mesa de diálogo na que se senten membros da confraría, representantes da empresa, do concello, da Xunta e de Portos do Estado para obter unha solución dialogada que permita unha saída rápida e beneficiosa para todas as partes.

Establecer como favorito

Envía isto vía electrónica

Trackback(0)

TrackBack URI para este comentario