 Feijóo durante a exposición aos medios Aínda que é unha cuestión que se están expoñendo e negociando "servizo a servizo", todo apunta a que a autoconcertación se exporá mediante un sistema de "rendementos quirúrxicos" en horario de mañá. Isto implica que aqueles médicos que pretendan efectuar operacións durante a tarde e cobrar un extra por iso, terán que xustificar que no horario ordinario acadaron un rendemento determinado. Outra posibilidade, segundo o presidente galego, sería a de establecer criterios de "rendemento quirúrxico pola tarde". En todo caso, sinalou que o obxectivo é cumprir o compromiso de "reducir as listas de espera" na sanidade, pero baixo unha premisa concreta, e é que "non imos pagar pola tarde o que non fixemos pola mañá" se os facultativos o que fan é trasladar ás peonadas ''intervencións que terían que efectuar como "actividade ordinaria". A idea que subxace neste asunto parte de "rendibilizar" as xornadas ordinarias, de mañá, na sanidade pública, de xeito que "pola tarde se faga o que non dá tempo pola mañá". E aínda que en principio se baralla a opción de establecer o sistema de rendemento cirúrxico, o presidente galego non descartou a idea de establecer, en lugar de peonadas, un quenda de tarde fixa nos centros hospitalarios. Polo momento, a Consellería de Sanidade está abordando as diferentes posibilidades que existen ao aspecto cos xerentes dos centros hospitalarios e cos servizos. "A inmensa maioría" dos servizos sanitarios, segundo Feijóo, "piden que se regule" a actividade cirúrxica extraordinaria. A modificación do sistema de peonadas xurdiu tras un informe do Consello de Contas, que sinalaba que os centros hospitalarios galegos reduciran a súa actividade ordinaria, que trasladaban aos horarios de tarde. Orzamento superado No 2009, o orzamento destinado a sufragar os extras dos médicos pola súa actividade de tarde aumentou e está "lonxe de reducirse o gasto". Segundo explicou o presidente galego a partida destina ás peonadas ''tense incrementado por riba do 50% do orzamentado". Así, se nos orzamentos constaban 12 millóns de euros para a actividade de tarde nos centros hospitalarios galegos durante o ano en curso, gastáronse xa 17,4 millóns de euros.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario