|
 A Coordinadora de Asociacións Profesionais do Audiovisual Galego expresou o seu malestar pola tardanza ""na resolución sobre as competencias do sector, ao tempo que pediu que se unifiquen, tanto o fomento como as de promoción e ordenación na Consellería de Cultura.
O colectivo, indicou que a devandita tardanza está causando un retardo na produción e está convertendo 2009 "nun ano negro para noso sector", informou, nun comunicado. Tamén expresou o seu "máis enérxico desacordo" con que as asociacións representadas pola coordinadora non fosen convocadas á consulta nun tema tan importante, nin que tampouco fosen recibidas ata a data por ningunha das autoridades da Consellería de Cultura ás que se lle solicitou unha entrevista. Sinalou por último que a coordinadora solicitou unha entrevista co presidente da Xunta, Alberto Núñez Feijóo, con obxecto de facerlle chegar persoalmente a súa posición nun asunto que sinalo que resulta "absolutamente decisivo" para o futuro inmediato do colectivo. A coordinadora está constituída pola Asociación de Actores e Actrices de Galicia, a Asociación Galega de Guionistas, a Asociación de Técnicos do Audiovisual de Galicia e a Asociación de Directores e Realizadores de Galicia.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario