 Actual ubicación da Casa do Concello A concelleira de Patrimonio, Margarita Castejón, indicou ao termo da sinatura destas actas que espera que estas oficinas municipais xa estean funcionando na rúa Michelena dentro duns dous meses, para o que comezarán decontado as obras de acondicionamento do cableado e instalacións informáticas, que deberán dar soporte aos servizos municipais repartidos en diferentes sedes por toda a cidade ata o seu traslado definitivo ao antigo cuartel de San Fernando, actual sede da facultade de Belas Artes. Coas actas e entrega das chaves se dá cumprimento ao protocolo asinado no 2001, que permitiu a construción do edificio administrativo da Xunta en Campolongo. Posteriormente, o Concello e a Deputación acordaron a cesión da Delegación de Educación á institución provincial, cuestión que quedou tamén recolleita no último protocolo, asinado o 16 de xaneiro de 2009 entre o ex conselleiro Xosé Ramón Fernández Antonio e a alcaldesa en funcións, Teresa Casal. Pola súa banda, o asesor xurídico da Deputación, Bernardo Sartier, explicou que a institución provincial ten tamén necesidade de maiores espazos e realizará con urxencia os trámites para acondicionar o antigo inmoble de Educación, situado na avenida de Montero Ríos, xusto ao lado do actual do Pazo Provincial, e destacou que o acto "é un exemplo perfecto de colaboración institucional". Edificio O edificio da rúa Michelena número 30, que o Concello terá á súa disposición mentres cumpra, consta, segundo recolle a inscrición rexistral, de soto, cunha superficie de 409,69 metros cadrados; planta baixa, 363,19 metros; local primeira dereita, de 194,13 metros; local primeira esquerda, de 219,13 metros; local único da segunda planta, 413,49 metros; local terceira dereita, de 191,82; local terceira esquerda, de 221,67 metros e ático, de 201,19 metros e unha terraza de 146,51 metros.. O acordo acadado en virtude dos protocolos asinados establece que o Instituto Galego de Promoción Económica (Igape) continuará na planta baixa deste edificio, compartindo espazo coas oficinas municipais. O inmoble na avenida de Montero Ríos, que o Concello obtén en propiedade e que, pola súa parte, vai a ser cedido á Deputación Provincial, consta de soto, baixo e dúas plantas, cunha superficie cada un deles de 816 metros cadrados, aos que hai que sumar unha superficie descuberta de 659 metros cadrados.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario