 Edición anterior da Feira Franca Anxos Riveiro explicou que este prazo afecta a todos aqueles que queiran comer e cear na rúa durante a celebración da Feira Franca, aos comerciantes que queiran desempeñar a súa actividade no mercado medieval e tamén para os establecementos hostaleiros, e que só coa inscrición recibirán de balde un libro coas receitas máis significativas do medievo. A concelleira nacionalista salientou a importancia de que "canta máis xente coñeza a normativa da Feira Franca, máis éxito terá a festa", e que esta será a mesma do ano pasado, mantendo o Plan de seguridade e emerxencia da última edición que foi creado polo persoal da Concellalía de Cultura, pola Policía e outros axentes colaboradores. Neste sentido, Anxos Riveiro fixo fincapé na importancia de levar un estrito cumprimento da regulación da lume, así como da ambientación da Feira e xa que logo pediu tanto a participantes como á hostalería que se teña en conta a temática deste ano, e adáptese a vestimenta e o material ao tema escollido. O pasado ano, a Feira Franca acolleu 250 comestas e ceas dentro do recinto da feira e Anxos Riveiro anunciou que nesta edición o número será similar "porque pola falta de espazo non se pode incrementar", aínda que indicou que neste ano se volverá a incorporar a avenida de Santa María porque as obras xa estarán moi avanzadas, e nesta zona poderá instalarse o Mercado de artesanía e oficios. A concelleira tamén anunciou que as Xornadas da Historia se desenvolverán entre os días 25 e 27 de agosto, na que participarán importantes expertos que abordarán o uso do galego na Idade Media.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario