 A vivenda de segunda man caeu en Galicia En termos intermensuales, o prezo da vivenda de segunda man reduciuse un 0,41%, co que o descenso acumulado desde xaneiro acada xa o 3,16%. Para o portal inmobiliario, "séguese vendo como continúa un descenso suavizado dos prezos e é fácil pensar que no 2009 asistirase a un escenario similar ao de 2008, ano en que o descenso se situou no 7,62%". O prezo do metro cadrado nacional é de 2.206 euros, cando a principios de ano se pagaba a 2.278 euros, o que supón un aforro de 72 euros por metro cadrado. Tomando como referencia o Euríbor do mes de abril, que pechou cun mínimo histórico do 1,771%, e unha hipoteca a 25 anos cun diferencial do 0,75%, a cota mensual para unha planta de 70 metros cadrados supón un desembolso de 694 euros todos os meses, mentres que fai xusto un ano, cos prezos e o Euríbor de abril de 2008, esa mesma cota era de 1.039 euros ao mes, un 33,2% máis alta. O prezo caeu ten todas as comunidades O prezo da vivenda en España, caeu en taxa interanual en todas as comunidades autónomas, a excepción de Illas Baleares (+0,8%), con baixadas salientas no caso de Navarra (-7,15%), Castela-A Mancha (-5,27%) e Aragón (-4,95%). A lista complétana Extremadura (-4,01%), Galicia (-3,95%), Andalucía (-3,74%), Castela e León (-3,67%), Asturias (-3,35%), País Vasco (-3,12%), Cataluña (-2,95%), Madrid (-2,78%), Comunidade Valenciana (-2,46%), Cantabria (-2,17%), A Rioxa (-1,76%), Illas Canarias (-1,73%) e Murcia (-1,6%). Doutra banda, Extremadura foi a única rexión na que subiu o prezo da vivenda en abril, ata un 0,44%. Todas as demais terminaron o mes con descensos, salientando o caso de Illas Canarias (-1,36%), A Rioxa (-1,19%) e Asturias (-1,09%), as tres con caídas por riba do 1%. Por detrás, situouse Cantabria (-0,83%), Castela e León (-0,66%), Comunidade Valenciana (-0,6%), Castela-A Mancha (-0,58%), Andalucía (-0,52%), Murcia (-0,46%), País Vasco (-0,46%), Navarra (-0,45%), Aragón (-0,41%), Illas Baleares (-0,38%), Madrid (-0,38%), Galicia (-0,18%) e Cataluña (-0,03%).
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario