A Peneira dixital - G.Vázquez di que preferiría que Manuel Vázquez estivese nunha posición de país coa lei de caixas

G.Vázquez di que preferiría que Manuel Vázquez estivese nunha posición de país coa lei de caixas

Escrito por Redacción

miércoles, 10 de marzo de 2010

Guillerme Vázquez

O voceiro nacional do BNG, Guillerme Vázquez asegurou na Coruña que preferiría que o secretario xeral do PSdeG, Manuel Vázquez, estivese nunha posición "de país, defendendo o que eu creo que maioritariamente defende esta sociedade" con respecto á lei de caixas galegas. Así mesmo, o nacionalista mostrou o seu convencemento de que o presidente da Xunta, Alberto Núñez Feijóo, resístese" a recorrer o Frob porque está "condicionado" polo PP estatal.

O BNG celebrou na cidade herculina un acto para conseguir apoios para o manifesto 'Galicia ten dereito', impulsado pola formación nacionalista e asinado no Parlamento de Galicia o pasado 5 de febreiro polo BNG, PP, CIG, UXT, CCOO e a Confederación de Empresarios de Galicia.

Así mesmo, Vázquez animou a Feijóo a presentar o recurso contra o Frob se "realmente quere explicar diante do Goberno central que está disposto a ir a por todas neste tema". No referente ás dúbidas sobre a solvencia da fusión galega, o nacionalista preguntou que "se o debate fose a solvencia, entón que estaría a pasar noutras latitudes do Estado?". En este sentido, Vázquez matizou que "non é unha cuestión técnica, senón política".

Doutra banda, o nacionalista falou da marcha das negociacións ao respecto entre o goberno galego e a central, subliñando que "estan a acadar un grao de vodevil absolutamente inasumíbel". Nesta liña, defendeu que a Xunta debe "rachar as negociacións e o señor Feijóo debe comparecer no Parlamento galego para explicarnos cal é a súa folla de ruta".

Establecer como favorito

Envía isto vía electrónica

Trackback(0)

TrackBack URI para este comentario