A plataforma Queremos Galego fixo entrega no rexistro do Parlamento da proposición de lei por iniciativa lexislativa popular "pola garantía dos dereitos lingüísticos", que o colectivo leva meses promovendo. A iniciativa céntrase no uso do galego por parte das administracións e no ensino.

O obxectivo da plataforma é que se desenvolva a Lei de Normalización Lingüística para que se cumpran os preceptos referidos ás administracións públicas da comunidade na regulación dos seus usos lingüísticos en cuestións "fundamentais" como o procedemento administrativo, a contratación e as axudas públicas.

Reivindica tamén o cumprimento práctico do que se establece na normativa para o ensino, xa que, a xuízo de Queremos galego, "non se está a cumprir" o principio de que ao final da educación obrigatoria debe estar garantida a igualdade de competencia lingüística nos dous idiomas oficiais da comunidade.

TrackBack URI para este comentario

Comentarios (0)

RSS feed comentarios

Mostrar/Ocultar formulario de comentario