A Peneira dixital - CIG-Ensino lembra á Xunta que está soa no borrador do decreto e esixe a súa retirada

CIG-Ensino lembra á Xunta que está soa no borrador do decreto e esixe a súa retirada

jueves, 04 de febrero de 2010

Declaracións ante a prensa da CIG-Ensino

O sindicato CIG-Ensino esixe de novo a retirada do borrador de decreto sobre o uso da lingua nas aulas e lembra á Xunta que está "completamente soa". Así, continuará coas mobilizacións que se decidan no seo da plataforma 'Queremos galego', co obxectivo de parar as bases e restaurar o consenso do Plan Xeral de Normalización Lingüística e do decreto do 2007, "o máis apoiado até agora".

A CIG avoga por partir do consenso acadados para avanzar na normalización do galego, lembrando que esas premisas esgrimiunas tamén a Real Academia Galega e, esta mesma semana, o Consello de Cultura Galega (CCG). Así mesmo, lembran que o propio conselleiro de Cultura e Turismo, Roberto Varela, forma parte do padroado do CCG.

"Malia os intentos do PP por evitar a resposta social a este documento e a pesar dos resortes propagandísticos empregados, non conseguiron convencer a ninguén", sinala o sindicato educativo. Así, aluden ás mobilizacións e ás protestas de profesores, pais, movementos de renovación pedagóxica, universidades, traballadores de normalización lingüística, Real Academia Galega ou Instituto da Lingua Galega, entre outros.

Establecer como favorito

Envía isto vía electrónica

Trackback(0)

TrackBack URI para este comentario