A Peneira dixital - J.L.Orozco, alcalde de Lugo: 'A muralla mudou a conciencia e a autoestima dos lucenses'

J.L.Orozco, alcalde de Lugo: 'A muralla mudou a conciencia e a autoestima dos lucenses'

miércoles, 03 de febrero de 2010

López Orozco

O 30 de novembro do 2010 cúmprense 10 anos dun dos fitos que marcaron, sen dúbida, un dos momentos máis importantes da historia moderna de Lugo: a concesión pola UNESCO do título de Patrimonio Mundial á Muralla Romana de Lugo.Con este motivo o concello organiza unha serie de actividades que se suman ás que terán lugar na cidade con motivo do ano Xacobeo. Para o seu alcalde, ademais dun orgullo, é unha maneira máis de dar a coñecer non só o patrimonio da cidade máis antiga de Galiza, senón para situar a Lugo como un destino turístico estratéxico, no que a historia, a cultura, a paisaxe –Reserva da Biosfera- se refire.Ten que funcionar cando a propia mentalidade dos lucenses mudou con respecto ao seu monumento máis emblemático.

-Que aportará Lugo a este Xacobeo 2010?

-Vai a aportar que veña moita xente. A pesar de que o noso camiño non é o francés, é o camiño primitivo, non se pode nin imaxinar a cantidade de xente que está facendo o camiño. Co Xacobeo aínda virá moita máis xente. Aí é onde queremos meter o noso Lugo 10, que a xente que visite Galicia se dea conta que existe Lugo, que temos unha muralla preciosa e que ten que visitarnos. Iso mellorará o comercio, mellorará a hostalería, e mellorará a relación entre turismo e cultura.

-Que mudou na muralla nestes dez anos?

-En primeiro lugar a conciencia e a autoestima dos propios lucenses. Nunca máis se volverá a pensar en sacar a muralla de Lugo. En segundo lugar a preocupación de todas as administracións pola muralla e o seu entorno. Se non fora pola declaración... hoxe non teriamos rehabilitado o barrio da Tineria, hoxe non teriamos os magníficos xardíns en torno á muralla, non teriamos a iluminación do adarbe ou a iluminación da parte inferior da muralla, non nos preocupariamos por sacar a circulación da cidade, non nos preocuparía ter a cidade en perfecto estado de revista, primeiro para os lucenses e logo para todos os que nos visitan. Que importante foi esa declaración!

-Síntese máis cómodo co actual goberno que co anterior?

-Eu son socialista. Vouno dicir cunha metáfora: eu verquín sangue para que gobernara Touriño. É o meu compañeiro, o meu amigo. Fíxoo moi ben. Pero a partir de aí as relacións institucionais son as relacións institucionais. Máximo respecto para o que goberna, sempre e cando respecten tamén, non á miña persoa senón o cargo que ocupo e respecten tamén á cidade. Colaboración. Sabe porque? Porque tanto a Xunta, sexa da cor que sexa, como o concello, sexa da cor que sexa, temos a obriga de servir a un pobo que foi o que nos votou. Por iso ten que haber entendemento e respecto.

-En Lugo hai moito máis patrimonio que a muralla. Hai dificultades para mantelo e ao mesmo tempo medrar como cidade?

-Ao contrario. Pode haber algún problema, por iso é tan importante e necesario o consorcio para estudar os achádegos, para facerse cargo dos seus custes, onde debemos colaborar todos: Deputación, Xunta, Concello e tamén os propietarios. Poder contar coa historia romana, poder ter tres museos "in situ" como vamos ter non lle parece tan importante para a cidade, o seu respecto e o coñecemento do seu pasado. Se queremos ser algo no futuro temos que ter en conta ese pasado. Polo tanto arranxemos as dificultades pero conservemos ese pasado.

Establecer como favorito

Envía isto vía electrónica

Trackback(0)

TrackBack URI para este comentario