A Peneira dixital - O PSdeG abandonará o Consorcio se a Xunta mantén políticas de desmantelamento dos servizos sociais

O PSdeG abandonará o Consorcio se a Xunta mantén políticas de desmantelamento dos servizos sociais

Escrito por Redacción

martes, 02 de febrero de 2010

Beatriz Sestayo, secretaria de Benestar do PSdeG

Máis dun centenar de concellos gobernados polo PSdeG abandonarán o Consorcio de Benestar se a Xunta mantén a súa política de "desmantelar" os servizos sociais e "privatizar" os servizos públicos. Así o anunciou a secretaria de Benestar dos socialistas galegos, Beatriz Sestayo, tras reunirse cos alcaldes e concelleiros de servizos sociais dos concellos gobernados polo PSdeG, para abordar a Asemblea do Consorcio de Benestar que se reunirá o vindeiro venres.

Sestayo acusou ao presidente da Xunta, Alberto Núñez Feijóo de "ningunear" aos concellos co abandono das políticas sociais públicas. A socialista expresou así a "rotunda oposición" do partido á privatización dos servizos públicos e asegurou que "non permitiremos que o PP faga deles un negocio cos seus amigos".

A secretaria de Benestar criticou ademais a "paralización" de infraestruturas previstas e acusou un "intento" do PP de "coartar" aos concellos negociando "bilateralmente" asuntos que deberían tratarse na Asemblea do Consorcio. Segundo a socialista, a día de hoxe "non se crearon empregos públicos, paralizáronse centros que estaban previstos e á Xunta impuxo a algúns concellos cotas de mantemento para o seu funcionamento que non poden asumir".

Así as cousas, Sestayo pediu a Feijóo e á conselleira de Benestar, Beatriz Mato que "recapaciten" con respecto ás súas políticas sociais, advertindo que "se o Consorcio abandona as súas funcións primarias, os socialistas non seguiremos nel".

Establecer como favorito

Envía isto vía electrónica

Trackback(0)

TrackBack URI para este comentario