A Peneira dixital - Hernández di que Galicia só poderá competir con Portugal en materia aeroportuaria cun destino único

Hernández di que Galicia só poderá competir con Portugal en materia aeroportuaria cun destino único

lunes, 18 de enero de 2010

Agustín Hernández

O conselleiro de Medio Ambiente, Territorio e Infraestruturas recoñeceu que Galicia só poderá competir con Portugal en materia aeroportuaria se leva a cabo ese obxectivo dun "destino único" e tres terminais. Nunha entrevista o titular deste departamento sinalou que a esta é "a única forma de facer competencia" aos demais aeroportos. Así, opina que só coordinadas, as tres instalacións galegas "poden estar en pé de igualdade con Saa Carneiro e ser unha oportunidade para Galicia".

Hernández explicou que a posta en marcha do Eixe Atlántico da alta velocidade ferroviaria "vai cambiar radicalmente esa realidade e potenciar as tres terminais cos centros das tres cidades". Así, engadiu que o primeiro paso que se vai a dar para fortalecer o sistema aeroportuario galego consiste en asinar o "comité de rutas", que xestionará a oferta das liñas aéreas e segundo a Xunta permitirá que os galegos teñan máis servizos e posibilidades de mobilidade aérea.

Sobre este asunto, Hernández sinalou que "todo o mundo pode entender independentemente do lugar no que un viva, o interese dos cidadáns de ter o maior número de rutas posibles, sexa desde A Coruña ou desde Santiago", aseverou.

En relación cos plans de Fomento para os aeroportos, Hernández admitiu que nun primeiro momento "estivemos preocupados" por se o Ministerio pretendía sacar controladores aéreos dos aeródromos galegos, feito que foi negado pola Secretaría de Estado.

Establecer como favorito

Envía isto vía electrónica

Trackback(0)

TrackBack URI para este comentario