A Peneira dixital - Os clubs galegos de alta competición promocionarán o Xacobeo no 2010

Os clubs galegos de alta competición promocionarán o Xacobeo no 2010

Escrito por Redacción

miércoles, 30 de diciembre de 2009

Acto oficial de sinaturas do Plan galego de Patrocinios

Os clubs galegos de alta competición promocionarán o Xacobeo 2010 esta tempada despois do acordo asinado entre a Secretaría Xeral para o Deporte e a S.A. de Xestión do Plan Xacobeo que uniron os seus esforzos para pór en marcha un plan histórico de apoio aos clubs de alta competición de Galicia. O plan significa o investimento de máis de 2.300.000 euros e beneficiará a máis dun centenar de entidades de toda a comunidade que, ademais de ser as máis representativas, na súa gran maioría soportan gran parte do deporte de base de Galicia.

No Hostal dos Reis Católicos produciuse a presentación dos contratos de patrocinio, nun acto no que interviñeron o secretario xeral para o Deporte, José Ramón Lete, e o director-xerente do Xacobeo, Ignacio Santos. Estes contratos son consecuencia do acordo asinado polo conselleiro de Cultura, Roberto Varela, e o secretario xeral para o Deporte.

Segundo José Ramón Lete, o acordo é "histórico". "Anunciamos que o 2010 será o ano dos clubs e este acordo é unha demostración de que cumpriremos ese compromiso. Con este plan ampliaremos as axudas os clubs axiña moi delicado para eles", explicou.

Para o director do Xacobeo, Ignacio Santos, o plan galego de patrocinio deportivo "supón o satisfactorio resultado do xogo en equipo levado a cabo entre a Xunta e os equipos e clubs galegos".

Establecer como favorito

Envía isto vía electrónica

Trackback(0)

TrackBack URI para este comentario