 Xaquín Fernández Leiceaga "É a lei do PP e o BNG terá que explicar por que acepta unha norma cambiada", argumentou o voceiro parlamentario do PSdeG, Xaquín Fernández Leiceaga, quen advertiu de que a única fórmula para obter o voto favorable do seu grupo é que 'populares' e nacionalistas acepten todas as súas emendas en prol de do "consenso ", aínda que non manifestou moitas esperanzas ao respecto. Fernández Leiceaga xustificou a súa postura de acordo con que o PSdeG non está disposto a aceptar "calquera lei" e insistiu en que os outros dous grupos con representación na Cámara teñen aínda "a oportunidade de rectificar" e aceptar as súas emendas no pleno extraordinario para evitar que saia adiante unha norma creada co fin de servir "aos propósitos "do presidente galego, Alberto Núñez Feijóo. Fronte a iso, os voceiros parlamentarios en materia económica de BNG, Fernando Blanco, e PPdeG, Pedro Puy, negaron que esta reforma normativa se faga para favorecer unha fusión entre as dúas caixas galegas--Caixa Galicia e Caixanova-- á que se mostrou favorable a Xunta e cuxa viabilidade estuda agora unha auditoría. "Sustantivamente, entre esta lei e a anterior hai cambios positivos; é unha lei máis progresista e quen diga o contrario, mente", proclamou o voceiro nacionalista. Tamén Pedro Puy destacou as "melloras" da norma no ámbito "da supervisión, da independencia e da representatividade "nos órganos das entidades de aforro.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario