 Tramo da muralla romana de Lugo No texto que foi sometido á consideración do Pleno, destácase que esa distinción marcou “un antes e un despois” na evolución da cidade, tanto no seu recoñecemento dentro e fóra de Galicia como no aumento “da autoestima e o orgullo da cidadanía” lucense. O alcalde, o socialista José López Orozco, confirmou durante a súa intervención no Pleno que o Goberno local ten intención de organizar varios conmemorativos, á altura do que esta efeméride representa para Lugo e sempre de acordo coas posibilidades orzamentarias dun ano de crise, no que a Administración local terá que facer fronte a unha notable caída dos ingresos. En todo caso, tamén avanzou que a responsabilidade de deseñar eses actos non recaerá exclusivamente no Goberno local, porque se constituirá unha comisión específica para organizar un aniversario como o monumento en si “merécese”, o mesmo “que a cidade”, reiterou o alcalde. López Orozco non ocultou a súa intención de aproveitar “as sinerxias” que pode xerar a celebración do Xacobeo 2010. “Todos somos conscientes da importancia que ten este evento no conxunto de Galicia e queremos aproveitar este feito, así como a cantidade de xente que virá á nosa terra, para que poidan vir a Lugo e ser conscientes do que a historia deixou no noso país”. “Esperamos que 2010 sexa un ano de todo o conxunto da sociedade lucense e galega”, explicou o alcalde, quen agregou que esta declaración “nace con ese espírito e nós temos que traballar para conseguir os obxectivos que se pretenden”.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario