|
A conselleira de Traballo e Benestar, Beatriz Mato, recibiu “con gratitude e humildade” o seu nomeamento como “Coruñesa do ano ”2009 por parte da Asociación de Veciños do Ensanche. Un galardón que lle entregou o ex ministro de Cultura e coruñés do ano 2008, César Antonio Molina, nun acto que tivo lugar na sede da Fundación Caixa Galicia da cidade herculina.
Mato asegurou recibir o premio con "profunda emoción" e dedicou parte do seu discurso ao recoñecemento do labor realizado polos que mereceron a distinción en anos anteriores: Francisco Vázquez, Santiago Rey Fernández-Latorre, José Luis Méndez e César Antonio Molina. É este, polo tanto, o primeiro que se lle outorga a unha muller. A representante autonómica explicou que levar o nome da cidade é "un honor e unha gran responsabilidade” e realizou un percorrido polos recordos que ten da Coruña, cidade na que reside. É por ese vínculo que mantén coa urbe herculina que lle produce "satisfacción" desenvolver proxectos como as escolas infantís e os centros de día de Eirís e Montealto. Destacou o labor de dinamización que desempeñan as asociacións de veciños e defendeu os valores de “apoio mutuo e solidariedade” como “piares sobre os que resistir as dificultades dos nosos tempos”. Neste sentido, fixo fincapé en que a “cooperación, participación e solidariedade" son os "auténticos valores sobre os que asentar o benestar”.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario