A Peneira dixital - Un 95% dos votantes nos referendums organizados en 166 municipios cataláns a favor da independencia

Un 95% dos votantes nos referendums organizados en 166 municipios cataláns a favor da independencia

jueves, 17 de diciembre de 2009

O referendum celebrouse en 166 municipios

O referendum pola independencia realizado o 13 de decembro en 166 municipios cataláns tivo un 30% de participación de media (algún concello chegou ao 90%) ou sexa unhas 200.000 persoas das 700.000 con dereito a voto. O resultado foi favorable á proposta soberanista cun apoio do 95%. A consulta foi seguida por numerosa prensa e observadores internacionais.

Organización cidadá

As consultas foron organizadas pola Coordinadora per la Consulta sobre la Independència formada por entidades cidadás. Entre os seus obxectivos estaba “demostrar ao mundo que a nación catalana está preparada per exercer o dereito á autodeterminación” ademais de “favorecer a participación popular e a democràcia directa”.

O sistema foi o mesmo que en calquera consulta. Tivo 252 colexios electorais e as 564 mesas abriron das 9 h. ata as 20 h. Todos os dades se centralizaron a través dun sistema informático que garantizou que non houbera fraude electoral e non se duplicaran os votos. Houbo interventores dos partidos que deron o seu apoio ás consultas: CDC, ERC, CUP, EPM's e RCat. Na rede social Facebook tamén se realizou unha votación na que participaron máis de 50 mil usuarios co resultado de 48.085 voto a favor e 8.323 votos en contra.

Seguimento na prensa

As consultas foron seguidas con moito interese pola prensa internacional e unha certa apatía e mesmo belixerancia pola prensa española. Así o Financial Times fala de “Miles de cataláns votan pola independencia” e Le Monde reclama nun editorial que “a UE debe prestar atención ao caso catalán”. En troques en El País o titular é “A consulta catalana se salda cunha baixa participación” coincidindo con La Razón que afirma que houbo “Ridículo independentista en Cataluña: no referéndum non votou nin o 30%”.

Consultas en Galiza?

A nivel galego o BNG fala de “normalidade” e “libre expresión do pobo catalán” frente ao pouco sentido democrático dalgúns sectores españolistas. En relación a se podería darse o mesmo caso en Galiza a mesma formación indicou que “cada país ten os seus ritmos e o pobo galego atopará o seu propio”.

No independentismo a FPG, a través de Mariano Ábalo, sinala que as consultas son “unha lección de democracia” que non se da en Galiza “polo cortocircuitado a través da entrega a Madrid do BNG”. NÓS-UP, a través de Carlos Morais, valora positivamente a iniciativa “lexitimada polo dereito á autodeterminación” pero non cre no “mimetismo con outras latitudes” xa que agora “aqui non se dan as condicións pola fragmentación da esquerda independentista”.

Establecer como favorito

Envía isto vía electrónica

Trackback(0)

TrackBack URI para este comentario