 Samuel Juárez Durante un acto celebrado na sede do D. O. Rías Baixas en Pontevedra, Samuel Juárez afirmou que cómpre volver a reunir a comisión de seguimento do acordo lácteo, que non se reúne desde o pasado mes de setembro, “para repasar por que o ritmo de sinaturas dos contratos está sendo tan lento” e avogou por mellorar neste sentido “para que a distribución priorice as contratacións e manteñan unha relación normalizada cos gandeiros”, dixo. “Non caben atallos, non caben medidas de presión, simplemente que se cumpra o asinado”, afirmou Juárez, quen lembrou que desde a Administración autonómica “se está traballando para resolver este conflito” e insistiu en que “hai cauces para trasladar o malestar e ouposicionamento dos gandeiros, pero aquelas medidas que redundan en prexuizos a terceiros e coaccións non son desexables”. Samuel Juárez fixo estas declaracións durante o acto de clausura da presentación do proxecto piloto no que participaron dez adegas do D. O. Rías Baixas para implementar modelos de xestión e control coa finalidade de mellorar a calidade dos seus viños, unha iniciativa xestionada pola Fundación Empresa Universidade Galega (Feuga) e financiada pola Unión Europea a través dos fondos Feader para o desenvolvemento rural. Este estudio mostra que unha das áreas nas que se pretende acometer actuacións innovadoras é a sistematización e mellora dos controis de calidade nos distintos procesos produtivos, “unha mellora que conducirá a satisfacer as esixencias da distribución e suporá, en gran medida, unha garantía de produtos seguros e de calidade para o consumidor”, indicou.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario