 Manuel Vázquez Vázquez fixo estas declaracións tras asistir unha reunión en Madrid entre os secretarios xerais do PSOE nas comunidades autónomas nas que os socialistas están na oposición, a secretaria de Organización do PSOE Leire Pajín e o vicesecretario xeral da formación José Blanco. Segundo informa o PSdeG, Vázquez resaltou a Conferencia de Presidentes como unha "unión de esforzos, liderado polo presidente do Goberno e os presidentes das comunidades autónomas, independentemente da cor política, e polos axentes sociais". O líder dos socialistas galegos resaltou a importancia de que o presidente do Goberno, José Luis Rodríguez Zapatero, "tenda a man" para iniciar novas reformas que axuden a solucionar o problema do desemprego, e advertiu da necesidade de "buscar solucións e non confrontacións". Vázquez incidiu na necesidade de investir en emprego e criticou que esa opción non a seguiu o Goberno galego nos orzamentos, "nos que rebaixou o investimento en políticas de fomento do emprego". Así mesmo, e ante as críticas de Feijóo pola tardanza na convocatoria, defendeu que chega "no momento xusto", porque coincide cos procesos de aprobación dos orzamentos. "Creo que este é ou momento xusto para que todos unamos esforzos co fin de que o vindeiro ano sexa clave para cambiar o modelo económico e que España colla a senda da recuperación económica e do emprego", subliñou.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario