A Peneira dixital - Rueda admite que sería ‘meritorio’ abordar as fusións de concellos

Rueda admite que sería ‘meritorio’ abordar as fusións de concellos

Escrito por Redacción

lunes, 07 de diciembre de 2009

Alfonso Rueda

O conselleiro de Presidencia, Alfonso Rueda, asegurou que a posible apertura dun proceso de fusión de municipios en Galicia necesitaría "un debate sosegado", polo que apostou por seguir apostando por outras fórmulas que poidan propiciar resultados máis inmediatos, como a colaboración entre concellos ou as áreas metropolitanas.

En declaracións aos medios durante unha visita a Forcarei (Pontevedra), Rueda admitiu que os concellos "son estruturas que levan moito tempo asentado", polo que agora resulta complicada abordar a posible desaparición dalgúns deles.

Así, e aínda que o Club Financeiro de Vigo propuxo esta semana reducir á metade os 315 concellos existentes na actualidade, o conselleiro de Presidencia ve complicado iniciar este proceso. "Que se abra o debate é algo meritorio", recoñeceu.

Por esta razón, Alfonso Rueda apostou por seguir avanzando en fórmulas que dean un resultado inmediato, como o fomento da colaboración entre os municipios--sobre todo entre os máis pequenos-- ou o impulso das áreas metropolitanas.

O titular de Presidencia realizou estas declaracións na visita que efectuou a Forcarei, na que tamén estivo presente o conselleiro de Medio Ambiente, Territorio e Infraestruturas, Agustín Hernández. Ambos os dous foron recibidos polo alcalde da localidade, David Raposeiras.

Establecer como favorito

Envía isto vía electrónica

Trackback(0)

TrackBack URI para este comentario