 Logotipos das tres universidades galegas O conselleiro de Presidencia, Alfonso Rueda, felicitou ás tres universidades que integran o SUG (Sistema Universitario Galego) pola súa "colaboración estreita" coa Consellería de Educación para acometer esta adaptación "en prazo e de común acordo". Dos 160 títulos, 83 corresponden a estudos de master e 77 a programas de doctoramiento. No proceso de transformación do SUG ao EEES, que deberá estar finalizado no 2010, a Consellería de Educación e as distintas universidades realizaron un importante esforzo de simplificación para unificar os antigos doutoramentos non viables ou con características moi semellantes, e evitar así a duplicidade de contidos. Doutra banda, o Consello autorizou ao conselleiro de Educación para a sinatura dun convenio co Ministerio de Educación para o programa de apoio á implantación da Lei Orgánica de Educación (LOE). A Xunta achegará máis de 7,9 millóns de euros para financiar iniciativas de desenvolvemento da lei, mentres que o Goberno central achegará case 5,4 millóns. O acordo fíxase en cinco grandes programas de actuación, entre os que Alfonso Rueda destacou a formación do profesorado--especialmente a aprendizaxe de linguas estranxeiras--, a loita contra o fracaso escolar e o abandono dos estudos ou o fomento de actividades extraescolares. Estas dúas últimas accións levaranse a cabo en colaboración cos concellos. Normalizacion lingüística Así mesmo, o Consello aprobou un convenio de colaboración entre a Xunta e a Federación Galega de Municipios e Provincias (Fegamp) para o fomento do uso do galego na administración local. A Xunta achega un investimento de 600.000 euros e o seu compromiso é dobre: "por unha banda, coa normalización e o fomento do uso da lingua e, por outra, cos concellos galegos".
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario