 Samuel Juárez Otero, conselleiro do Medio Rural Nestas presentacións participaron cooperativistas, adegueiros e alcaldes dos diferentes concellos que integran esta D.O. Tamén estiveron presentes o director xeral de Desenvolvemento Rural, Antonio Crespo, e o delegado territorial da Xunta en Pontevedra, José Manuel Cores Tourís. O obxectivo deste plan, dotado cun orzamento total de 3 millóns de euros, é impulsar e manter o cultivo en zonas de denominacións de orixe, mellorando as infraestruturas de acceso a viñedos e adegas. As actuacións incluídas no plan refírense á compactación da plataforma das vías, colocación ou reparación de tubos de drenaxe, muros de contención, asfaltado e bacheo, entre outras. O desenvolvemento destas obras require en primeiro lugar que os concellos definan os camiños que queiran incluír no plan, para posteriormente asinar os correspondentes convenios de colaboración entre a Consellería do Medio Rural e os propios municipios, que permitan realizar, en concreto, as actuacións previstas.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario