 Manuel Rivas e Manuel Bragado durante a presentación do libro Dacabalo entre a crónica xornalística e o ensaio literario 'Episodios galegos' defende, en palabras de Rivas, "que o mundo pode ser pensado dende Galiza" e que non necesitamos "uns lentes de prestado" para ver a realidade desde unha perspectiva plural. Durante a presentación do libro, o escritor denunciou que o "proceso de roubo do sentido das palabras" comporta a subtracción da cultura e a identidade galega. Para o escritor en Galicia pasouse do lema, "construír país", á tónica actual de, "deconstruír o país". Neste sentido, no libro menciona a "neolingua" da que falaba George Orwell na súa obra '1984' que, segundo Manuel Rivas, exténdese como "un virus da desmemoria e fai que o que digan as persoas signifique o contrario do que din", facendo referencia ás accións de política lingüística levada a cabo en Galicia nos últimos anos. Neocaciquismo posh Mediante o uso dun humor "punzante", Rivas acuña a existencia dunha Neogalicia en onde o antigo caciquismo fundiuse co neoliberalismo para dar lugar ao que o escritor chama, neocaciquismo 'posh'. Segundo as súas propias palabras, o neocaciquismo nútrese dun xeito de gobernar en Galicia que mestura "o pau e a cenoria" coa "obriga, a represión e os favores", dixo.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario