Pazo da cultura de Pontevera

O ciclo Importa celebra esta nova edición coincidindo coa celebración do Xacobeo 2010 para cumprir unhas expectativas "máis ambiciosas", despois do éxito que obtivo coas pasadas edicións. O festival constará de dez concertos que presentarán a artistas internacionais de referencia que nunca visitaron Galicia, como Joan Baez, a máxima figura da canción protesta americana, que xorde na América dos anos 60 a raíz da Guerra de Vietnam, e que actuará o vindeiro 5 de marzo no Centro Cultural Caixanova de Vigo.

O festival Xacobeo Importa pretende achegar o público galego, grupos e artistas do circuíto independente que pola súa traxectoria, estilo ou relevancia merecen ser presentados en actuacións únicas e en formatos especiais. A programación do ciclo busca a diversidade nos estilos musicais, incorporando artistas próximos ao pop, á música folk, ao rock máis adulto ou á fusión de músicas do mundo.

O festival Xacobeo Importa manterá como centro de actividade Santiago de Compostela, pero tamén organizará concertos noutras cidades da comunidade como Pontevedra, A Coruña, Ourense e Lugo.

TrackBack URI para este comentario

Comentarios (0)

RSS feed comentarios

Mostrar/Ocultar formulario de comentario