 Emilio Touriño Nunha conferencia organizada pola Fundación Iniciativas 21, Touriño criticou as “visións cortoplacistas e localistas”, defendeu a necesidade de que “Galicia non desapareza do mapa financeiro español” e indicou que valería “a pena” activar a SIP para xerar “unha nova institución financeira solvente e viable, xestionada con profesionalidade, transparencia, eficacia e ao servizo do país”. O ex secretario xeral do PSdeG foi rotundo na súa mensaxe antilocalista. “É hora de que as ambicións e os intereses locais cedan o seu protagonismo á maioría social e á comunidade á que se deben”, sentenciou, resaltando que “as caixas non teñen máis doo que vos galegos, os do norte e o do sur” e incidindo en que a decisión final non é das caixas senón da Xunta e os cidadáns. A necesidade de cambios, resaltou Touriño, é evidente. “Vai haber que moverse; guste ou non”, proclamou, rexeitando a opción “máis conservadora” de intentar manter o tamaño actual das entidades galegas. Sen embargo, alertou tamén das présas na renovación da lei de caixas, lembrando que a lexislación actual é de maio de 2005 e foi elaborada polo Goberno que presidía Manuel Fraga e do que formaba parte Alberto Núñez Feijóo. “Preocúpame que as présas da nova lei, cando temos instrumentos xa existentes, poidan conducir a que terminemos pensando en termos de banca pública galega ou de ocupación das caixas galegas polos partidos políticos”, alertou, malia recoñecer a “xenerosidade e lealdade” dos partidos da oposición neste tema.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario