O parlamento galego

O deputado do PPdeG Pablo Cobián Fernández de la Fuente resaltou a capacidade que a devandita sede tería para evitar a fuga de talentos e "atraer" aos que están fóra, ademais de "situar a Galicia no mapa mundial das telecomunicacións".

"Galicia está preparada para acoller a axencia", defendeu, lembrando que o Colexio Oficial de Enxeñeiros de telecomunciacións de Galicia engloba a máis dun milleiro de profesionais de alta cualificación e que a escola de Vigo conta cunha gran experiencia.

Doutra banda, os votos da maioría do PP impuxéronse para aprobar unha iniciativa propia de apoio ao pequeno comercio. A defensora da proposta, Cristina Fernández, criticou a xestión do bipartito e alertou da contracción do consumo que suporán as subas impositivas aprobadas polo Goberno central.

Desde o BNG, Fernando Blanco resaltou que a maior parte das medidas solicitadas xa as puxo en marcha o bipartito, polo que instou á súa continuación. Ante a falta de novidades, votaron en contra; mentres que o PSdeG absteuse ao entender que a iniciativa popular era "mediática e oportunista", e ante a negativa do PP a aceptar ningunha das emendas da oposición. "Non imos continuar coas súas políticas porque non hai nada que continuar", sentenciou Cristina Fernández.

TrackBack URI para este comentario

Comentarios (0)

RSS feed comentarios

Mostrar/Ocultar formulario de comentario