 Francisco José Pacheco Con Pacheco o Xacobeo Galicia quere presentar a súa aposta particular nas chegadas masivas, algo que lle faltou ao equipo que dirixe Álvaro Pino nas súas tres primeiras tempadas no pelotón internacional. O ciclista manchego suma once vitorias como profesional: 10 en 2008 e 1 en 2007, todas elas conseguidas nas filas do equipo continental portugués Barbot. A boa actuación en 2008, con dúas das dez vitorias en etapas da Volta a Portugal, abriulle ao corredor manchego as portas do pelotón español, a través do Contentpolis-Ampo. Na formación murciana callou unha boa tempada, con moita presenza en chegadas, aínda que non conseguiría estrear o seu palmarés. Tras esta incorporación, no seo do Xacobeo Galicia considérase que se conseguiu confeccionar para a nova tempada un bloque moi homoxéneo, ao manter aos homes craves do equipo: Ezequiel Mosquera, David García e Gustavo C. Veloso. Os tres tiñan contrato en vigor ata decembro de 2010. A este trío sumáronse as renovacións de Gonzalo Rabuñal, Serafín Martínez, Delio Fernández, Gustavo Domínguez, Marcos García, Carlos Castaño, Alberto Fernández e Vladimir Isaychev. Un bloque no que predomina unha mocidade emerxente, cunha experiencia de tres anos nalgúns casos e unha calidade contrastada en xeral. No capítulo de altas, ademais de Francisco José Pacheco, inclúense Gustavo Rodríguez, José Antonio de Segovia, Rodrigo García e Nelson Oliveira. Un quinteto que se considera que dará consistencia e achegará novos recursos deportivos á formación galega.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario