|
Guillerme Vázquez afirma que só 'un acordo de país' pode evitar que as caixas deixen de ser galegas |
|
|
|
|
Escrito por Redacción
|
|
jueves, 19 de noviembre de 2009 |
 Guillerme Vázquez Guillerme Vázquez pronunciouse nestes termos durante a roda de prensa que ofreción tras o seu encontro co secretario xeral de Comisións Obreiras de Galicia, Xosé Manuel Sánchez Aguión, co que compareceu conxuntamente ante os medios de comunicación. O voceiro nacional do BNG chamou explicitamente ao consenso e mostrou a súa confianza en que o presidente da Xunta, tal e como lle solicitou a través dunha carta o BNG, convoque unha reunión dos líderes das tres forzas políticas de Galicia. "É necesario un acordo das forzas políticas galegas para defender unha posición de país e para garantir que o centro de decisión das caixas fique en Galicia", afirmou. E confesou a súa "preocupación" por "como marcha este tema". "Neste tema é máis que evidente que o futuro está escrito e ese futuro camiña cara a deslocalización das caixas se non hai unha reacción política e un movemento político en serio do señor Feijóo; se non ou hai, as caixas deixarán de ser galegas", engadiu. O secretario xeral de Comisións Obreiras, Xosé Manuel Sánchez Aguión, expresou o seu criterio claramente favorable a que o centro de decisión das caixas galleags mantéñase en Galicia e contrario a calquera hipótese que supoña a absorción destas entidades.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario
Vimos reclamando con insistencia que un debate serio require información veraz sobre a verdadeira situación económico-patrimonial de cada unha das dúas entidades.
Os únicos datos publicados, a altura de setembro, eran bastante parellos. Core capital: 6,29 Caixa Galicia, 5,2 Caixanova. Tier 1: 8,01 e 7,45. Ratio BIS: 11,14 e 11,84. Morosidade: 4,92 fronte a 4,65. Eficiencia 45,85 para Caixa Galicia e 37,7 para Caixanova.
Hai poucos días Antonio Grandío Dopico (http://www.antoniograndiodopico.es), catedrático da Universidade da Coruña, fixo público un informe no que se aventura a indagar para coñecer con máis profundidade a verdadeira situación interna de ambas entidades.
É o único intento que en todo o gran debate no que está participando todo o país se ten feito por poñer datos enriba da mesa. Non vou defender aquí este informe. Ao contrario, peréceme frouxo e bastante estrafalario. Agora ben, cando dende La Voz de Galicia, e sobre todo dende Caixa Galicia, se descualifica de maneira radical, deberían achegarse datos para contrapoñer aos contidos nese informe. Nin un só dato, unha simple descualificación xeral ao traballo e ao autor.
Á marxe da calidade do seu traballo, penso que Grandío pon enriba da mesa o verdadeiro asunto que Galicia ten que dilucidar:
1. É viable Caixa Galicia?.
2. Nunha fusión intragalega, a achega dunha Caixanova tamén en delicada situación sería suficiente para salvar a Caixa Galicia do abismo en que semella se atopa?.
Máis en: http://afuradadotrasno.blogspot.com/