|
O PSdeG oponse a unha fusión de Caixa Galicia con CajaMadrid que achaca a unha trama do PP e Feijóo |
|
|
|
|
Escrito por Redacción
|
|
jueves, 19 de noviembre de 2009 |
 Manuel Vázquez "Se algo caracteriza ao ministro José Blanco é a súa intelixencia, e apostar por fortalecer a caixa do PP non sería moi intelixente", argumentó Manuel Vázquez, quen engadiu que a "trama para a absorción de Caixa Galicia por Caja Madrid ten nome e apelidos: PP e Núñez Feijóo". O secretario xeral dos socialistas galegos desenvolveu a súa argumentación de réplica ás acusacións do PPdeG resaltando que a presidencia da Comunidade de Madrid ocúpaa Esperanza Aguirre, a da Comunidade Valenciana Francisco Camps e a da Xunta de Galicia Alberto Núñez Feijóo, todos do PP. A eles únese Rodrigo Rato, peso pesado na formación popular, na presidencia de CajaMadrid. Doutra banda, Manuel Vázquez reiterou o seu chamamento ao presidente da Xunta para que se posicione respecto ao futuro das caixas galegas, lamentando que "non sabemos o que quere". "Feijóo fala das caixas todos os días e non di nada ningún", sentenciou. Pola contra, mostrouse convencido de que o seu contorno é partidario da fusión da caixa do norte con CajaMadrid e CAM.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario