 David Cal O deporte con máis recoñecementos no último proceso foi o taekwondo con nove deportistas, entre eles a ex campiona do mundo Belén Asensio ou Rebeca Mariño, que participou no último Mundial absoluto disputado en Copenhague. A segunda modalidade con máis incluídos novos é a vela con seis, mentres que halterofilia, loita, natación, remo, squash, atletismo ou balonmán tamén viron recoñecidos a deportistas. Por diferentes motivos non foron recoñecidos 32 deportistas, algúns por non presentar a documentación en prazo, e outros por non cumprir cos requisitos esixidos nun proceso amparado na Lei Galega do Deporte. Este recoñecemento, que é por tres anos, permitirá aos deportistas obter diferentes beneficios, entre eles as bolsas DGAN que outorga a Xunta de Galicia. Na listaxe de Deportistas Galegos de Alto Nivel están figuras como os campións olímpicos Antón Paz, Carlos Pérez Rial ou Fernando Echávarri, así como o dobre medallista olímpico David Cal ou o campión de Europa de Tríatlon, Javier Gómez Noya ou as medallistas mundiais de taekwondo, Andrea Rica ou Fani Hernández.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario