 Jesús Vázquez, conselleiro de Educación "É unha setencia que non afecta ao decreto que prepara o Goberno dentro da máis estrita legalidade, non modifica ningunha cuestión aspecto do decreto da Xunta", afirmou Jesús Vázquez a preguntas dos xornalistas, durante a visita institucional que realizou ao Concello de Pontevedra. Aínda que afirmou descoñecer todos os aspectos da sentenza, o conselleiro de Educación insistiu en que o decreto no que traballa o Executivo autonómico, e que espera ter terminado "antes de que finalice o ano", respectará a lexislación vixente en Galicia e o Estatuto de Autonomía. Vázquez lembrou que a Xunta non está facendo nada que non fixese o bipartito, xa que "no 2007 entenderon que cumpría cambiar un decreto, e nós entendemos que no 2010 é necesario ter en marcha un novo decreto", froito, afirmou, dunha forma distinta de entender a convivencia lingüística en Galicia. "O bipartito pensaba que había un problema de convivencia entre as dúas linguas e nós entendemos que temos que dar unha resposta á cidadanía, e nese sentido estamos traballando", reiterou Jesús Vázquez.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario