A Peneira dixital - Os traballadores de Pascual cortan a Nacional VI ao seu paso por Outeiro de Rei (Lugo)

Os traballadores de Pascual cortan a Nacional VI ao seu paso por Outeiro de Rei (Lugo)

Escrito por Redacción

miércoles, 18 de noviembre de 2009

Protesta dos traballadores da fábrica de Outeiro de Rei

Os traballadores da fábrica que o grupo Leite Pascual ten na localidade lucense de Outeiro de Rei están a cortar a circulación na estrada Nacional VI, á altura do mesmo lugar no que se encerraron, dentro de dúas caravanas, para protestar pola ausencia dunha solución para o seu conflito laboral, motivado polo expediente de regulación de emprego temporal (ERE) que a empresa burgalesa aplicou sobre a totalidade do cadro de persoal, que caducará o vindeiro 4 de decembro.

Segundo informou a Confederación Intersindical Galega (CIG) nun comunicado, os traballadores cortarán o tráfico despois da tradicional asemblea dos mércores, que se celebrará ás doce do mediodía, para estudar a posibilidade de iniciar novas mobilizacións, máis contudentes, que completen o encerro indefinido que comezaron fai xa sete días nos inmediacións da fábrica.

A CIG pediulle ao presidente da Xunta de Galicia, Alberto Núñez Feijóo, que “rompa o seu silencio e indiferenza” cara aos traballadores de Pascual e que explique en que se gastaron os 735.000 euros que esta empresa recibiu do IGAPE ou os 8 millóns de euros que recibiu da Administración autonómica no 2002.

Establecer como favorito

Envía isto vía electrónica

Trackback(0)

TrackBack URI para este comentario