 Feijóo presidiu o pleno do Consello Asesor de Telecomunicacións Segundo Feijóo, as telecomunicacións son un elemento que contribuirá a "saír vigorosos da crise" e, neste sentido, marcouse un "cambio de rumbo" para evitar que a comunidade quede cun "século de atraso". Así mesmo, quere situar a Galicia "no mapamundi", para o que "presentaremos a candidatura" para que sexa sede da Axencia Estatal de Radiocomunicacións de España. Outro dos retos que se afrontará é o apagón analóxico que se producirá entre a primeira quincena de xaneiro--na Coruña e Ourense-- e o mesmo período de abril--en Lugo e Pontevedra--. Neste sentido, afirmou que o Goberno fará un "esforzo especial" en colaboración co sector para que as televisións locais e autonómicas "non perdan a súa función nin peso". Tamén anunciou Feijóo que será convocado un "concurso público" para adxudicar concesións administrativas de novas "frecuencias" de radio. Ao aspecto, o presidente manifestou que o último plan técnico estatal deixou en Galicia "frecuencias suficientes". Segundo o dirixente galego, a Xunta traballa na súa estratexia de telecomunicacións desde o mes de maio e, nestes momentos, hai diversas accións en marcha. Por un lado, aludiu ao investimento de 260 millóns de euros a través dun plan de banda ancha que permitirá "modernizar a rede de telecomunicacións da Xunta". Tamén se lanzará o 'E-Goberno' para 2013 en coordinación coa Fegamp e as catro deputacións, realízanse actuacións integrais no uso "das novas tecnoloxías" e prevese acelerar o "cambio tecnolóxico" na comunidade.
"Rachar co continuísmo"
O dirixente autonómico avogou ademais por "rachar co continuísmo" en materia audiovisual. Para iso, Feijóo propuxo aplicar criterios como a "transparencia, liberdade de información, iniciativa empresarial, fomentar a xestión racional, austera e eficiente". Para camiñar neste sentido, aludió a tres reformas normativas, na Lei de Publicidade Institucional, a Lei de Creación da CRTVG e a Lei de Comunicación Audiovisual.
Comisión permanente
Elixiuse a composición da comisión permanente do Consello Asesor de Telecomunicacións, que preside Alfonso Cabaleiro, e vicepresiden María del Mar Pereira e Roberto Varela. Como vocais figuran 17 persoas, en representación das administracións autonómicas, local, universidades, sindicatos, operadores de servizos de telecomunicacións, a CRTVG, o Consorcio Audiovisual, Televisión e Radiofusión, xornais galegos, asociación do audiovisual, Fundación Galicia Europea e usuarios, industriais e comercializadores. Así mesmo, inclúense tres persoas como "personalidades de recoñecido prestixio", que son Alfonso Sánchez Izquierdo, Francisco Campos e José Manuel Soto Vázquez.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario