 Posto de venda do peixe A través dun DVD e un libro, os profesionais da cociña ensínannos a elaborar o peixe sapo, o galo e a pescada desde a renovación e a modernidade. Pescada rechea de paté de mexillóns e gornición de pasta fresca con xudías; galo asado con pesto de San Simón e tomate especiado, tacos de peixe sapo á ourego, touciño ibérico, coliflor e laranxa; pescada con tapioca e caldo afumado de verduras; galo con cigalas e orella de porco, ou peixe sapo asado con xogo de pirixel, perlas do Xapón e ameixas, son tan só algún dos pratos que poderemos encontrarnos neste audiovisual no que os cociñeiros, a través dun showcooking, nos fan as súas propostas. Trátase de que estes tres clásicos da gastronomía, a pescada, o peixe sapo e o galo, que ocuparon tradicionalmente un lugar de honra na nosa cociña, viren a ser protagonistas para unha xeración que empeza a botar man de forma preocupante do denominado xantar lixo. Cociñar peixe pode ser rápido,divertido e saboroso. Os cursos A campaña “3 clásicos renovados” complétase con cursos de cociña por diversas cidades españolas. Santander, Madrid e Barcelona acolleron xa estas clases con gran éxito de asistencia. Este curso express inclúe, entre outras actividades, a visita ao mercado, para escoller os mellores produtos aprendendo a analizar as calidades, e, por suposto, a elaboración dun prato e a súa presentación. A Escola de Cociña Caixanova acolle os cursos o martes, mércores e xoves desta semana, de 10:00h. a 14:00h, e serán impartidos polo cociñeiro vigués Carlos Gea. ANASOL ANASOL (Asociación de Armadores de Buques de Pesca no Gran Sol) é unha asociación á que pertencen os armadores de buques pesqueiros que realizan a súa actividade en augas da Unión Europea, principalmente nas costas de Irlanda, Reino Unido, Francia e zonas VI, VII e VIII de ÍCELA. A maioría da frota está integrada por arrastreiros, aínda que tamén hai barcos que utilizan a modalidade de palangre.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario