 Actual hospital en Montecelo Nunha roda de prensa celebrada no recente inaugurado Centro de Saúde da Parda, Pilar Farjas explicou que este hospital, que dará asistencia aos municipios de Pontevedra e o seu contorno, será "un hospital único, sostible, ecolóxico e humanizado", e nel farase segundo a conselleira "un forte aposta" pola tecnoloxía diagnóstica e terapéutica e polo dimensionamiento da área de urxencias e do bloque cirúrxico. Con este proxecto indicou a titular de Sanidade que se abandona a idea de reampliación das instalacións xa existentes e óptase pola creación dun novo edificio para afrontar as demandas asistencias da poboación, apostando desta maneira por unha estrutura sanitaria de vangarda que dea unha solución definitiva aos múltiples proxectos construídos e modificados ata agora". Así mesmo, reiterou en varias ocasións que a súa xestión será "cen por cen pública", dixo. Execución máis rápida A conselleira sinalou que está previsto que nas próximas semanas o Consello da Xunta aprobe o inicio da declaración do proxecto sectorial de incidencia supramunicipal e insistiu en que os prazos de execución para a súa construción "serán sempre inferiores aos previstos para a modificación, 66 meses", defendendo a súa situación en Monte Carrasco "porque resulta a máis axeitada debido á súa localización e á súa topografía", indicou. Pilar Farjas lembrou que a Consellería descartou no seu momento o proxecto deseñado polo bipartito para ampliar o actual Hospital de Montecelo, ao constatar que presentaba numerosas deficiencias, como un deseño ríxido, sen posibilidades de mellora e ampliación e que facía necesaria unha demolición previa, mostraba problemas de construción, imposibilitaba unha formulación funcional idónea e contaba con limitacións derivadas dos problemas de acceso. Para a súa construción, o anteproxecto dos orzamentos recolle unha reserva de crédito dun millón de euros para continuar avanzando no proxecto do novo hospital o ano que vén, un investimento que permitirá iniciar a licitación do proxecto arquitectónico básico. Canto á a súa carteira de servizos, contará cunha unidade de urxencias "ben dimensionada" e cos últimos avances en tecnoloxía diagnóstica e terapéutica, entre os que destacan os servizos de hemodinámica, unidade coronaria, medicina nuclear, cirurxía maxilofacial, radioterapia e UCI neonatal e pediátrica, e o edificio "deseñarase con visión de futuro, e capacidade de expansión e crecemento harmónico", destacou a conselleira, que avanzou que máis do 65% de súas habitaciones serán individuais.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario