 Recheo en Bouzas Devanditos contenciosos susténtanse nos fundamentos xurídicos da recentemente coñecida sentenza do Tribunal Supremo na que se declaran ilegais as obras de recheo que se realizaron no Porto de Marín, amparadas nun Plan Especial impugnado. (Sentencia do Recurso de Casación Núm. 33/71/2005 do Tribunal Supremo, do 30 de outubro de 2005) Na devandita sentenza, que senta xurisprudencia, establécese sen ambaxes, que: “O Plan de Utilización determina a propia creación ou ampliación do porto, precedendo por tanto no tempo ao Plan Especial, de natureza urbanística, no que simplemente se ordean os usos urbanísticos que se imprantarán sobre a superficie do chan portuario.” Segunto este colectivo no caso do Porto de Vigo é evidente a inexistencia do Plan de Utilización dos Espazos Portuarios da Zona de Servizo do Porto, polo tanto resulta obvio que todas as obras que se pretenden levar a cabo son ilegais. De seguir adiante con elas os responsabeis do Porto —Corina Porro e Luis Lara— estarían incurrindo nun delito de prevaricación. Resulta tamén evidente que, segundo o dito anteriormente, non cabe argumentar que os proxectos que pretende levar a cabo a Autoridade Portuaria de Vigo están amparados polo Plan Especial de Ordenación do Porto. Así mesmo, “A Ría Non se Vende” ante o feito de que a construción dos Silos para vehículos que se está executando en Bouzas carece de cobertura legal (por canto o Plano Especial non ten validez, ademais de estarse levando a cabo sen as pertinentes e imprescindibles licenzas a outorgar polo Concello de Vigo) presentou as denuncias correspondentes, que levan tamén á presentación dun recurso contencioso-administrativo.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario