 Chano Piñeiro Como principal novidade, esperan poder inaugurar nas primeiras semanas de decembro ou principios do ano que vén unha mediateca que levará o nome de José Luis Cabo e que permitirá acceso aos investigadores aos máis de 5.000 títulos en DVD dos que dispón o centro. Incorporará, ademais, unha colección de imaxes do NO-DO relacionadas con Galicia, de máis de 30 horas. "Vai a ser un arquivo de gran importancia histórica", subliñou Cabaleiro, que lembrou o papel fundamental que o ex ministro de Cultura, César Antonio Molina, desempeñou na cesión das imaxes e polo que esperan contar coa súa presenza na inauguración. Sinalou, ademais, que xa existe un acordo coa Universidade de Santiago para contextualizar, documentar e elaborar unha "ambiciosa investigación" sobre todas estas imaxes. Doutra banda, o CGAI realizará un ciclo dedicado ao Xacobeo 2010, que trasladará a diferentes municipios da comunidade e dúas exposicións fotográficas, en homenaxe a José Luis Cabo e ao mecenas de colección Blanco-Ciceró, con motivo do I Centenario da Exposición rexional de 1909. Actividades que o CGAI compaxinará co seu labor de restauración como depositario do patrimonio fílmico de Galicia. Na actualidade, traballa nas películas “Tranvías da Coruña ”(1926) e “Actos do centenario do nacemento de Rosalía de Castro en Buenos Aires” (1937). Por último, a filmoteca de Galicia proxecta tamén unha homenaxe á figura do literato e guionista Torrente Ballester, aproveitando o centenario do seu nacemento.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario