José Alfredo Bea

Os membros da FGP xuntáronse no CGTD e sobre as 11.10 horas deu comezo o acto. En primeiro lugar, cada candidato ofreceu un breve discurso aos presentes explicando as claves nas que se sustentaría o seu mandato en caso de saír elixido.

A continuación, os representantes dos clubes galegos foron exercendo o seu dereito a voto. Tras eles votaron os deportistas, os técnicos e por último os árbitros. Unha vez finalizadas as votacións procedeuse ao reconto das papeletas, nas que os electores mostraron o seu apoio a Alfredo Bea.

Coñecido o resultado, os dous candidatos saudáronse deportivamente e Sanmamed felicitou ao novo presidente. Bea dirixiuse ao auditorio cun contundente “grazas polo voso apoio e agardo non fallarvos. De agora en diante imos falar só de piragüismo”.

Ademais, quedou aberto o prazo para a presentación de reclamacións fronte aos resultados da elección a presidente. O 3 de novembro finalizou o periodo de reclamacións e proclamouse a Alfredo Bea como presidente da FGP. O resultado remitirase á Secretaría Xeral para o Deporte da Xunta de Galicia e se producirá a disolución da Xunta Electoral.

Declaracións

Tras o acto, Bea mostrouse satisfeito de que “o piragüismo galego confiase en min para levar o timón da nosa Federación para intentar conseguir os mellores resultados posibles”.

TrackBack URI para este comentario

Comentarios (0)

RSS feed comentarios

Mostrar/Ocultar formulario de comentario