 Carme Marón A concelleira sinalou que o orzamento de 2010, que se levará á xunta de goberno o venres día 13, reflexa unha facenda municipal "saneada e forte, que pese á conxuntura económica é capaz de facer fronte ás súas obrigas e responder ás demandas e prioridades dos coruñeses ", indicou. Remarcou ademais que trátase dunhas contas "marcadas polo equilibrio e a estabilidade financeira", malia que o orzamento supón un descenso do 4,34% con respecto ao do curso actual. A rebaixa débese, segundo explicou o concello, á baixada dos ingresos procedentes do Estado, que experimentaron unha caída dun 17,9%. Segundo Marón, as cifras demostran a "fortaleza" da facenda municipal, capaz de "compensar" cos seus ingresos 14 puntos. No que fai ao Orzamento Consolidado, que inclúe as contas do IMCE, Emalcsa e Emvsa, acadará os 236.000.174,76 euros, o que supón un descenso do 3,39% con respecto ao actual exercicio.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario