A Peneira dixital - O Xacobeo Galicia pechou a tempada gañando por equipos o Campionato ACP

O Xacobeo Galicia pechou a tempada gañando por equipos o Campionato ACP

Escrito por Redacción

lunes, 09 de noviembre de 2009

O Xacobeo durante a contrarreloxo

O Xacobeo Galicia pechou a tempada gañando a contrarreloxo por equipos do Campionato da Asociación de Equipos profesionais, celebrado na localidade leonesa de San Andrés de Rabanedo. Foi precisamente a contrarreloxo por equipos a proba encargada de iniciar a décimo sexta edición do Campionato ACP, que se disputou en varias series con saídas de meta e contrameta. Cada formación estaba composta por tres corredores.

O Xacobeo Galicia formou con Gustavo C. Veloso, Carlos Castaño e David Herrero, tocándolle medirse en primeira instancia co Astana. Os dous equipos con mellores tempos de todas as series disputaban unha final, e estes foron o Xacobeo Galicia e o Caisse D`Epargne. Resultando gañador o primeiro.

As outras dúas carreiras do programa foron gañadas por Carlos Sastre (Cervelo) e Samuel Sánchez (Euskaltel - Euskadi), con vitoria na xeral final para o abulense. Nestas dúas mangas o Xacobeo Galicia contou tamén co concurso de Gustavo Domínguez.

O XVI Campionato da Asociación de Ciclistas Profesionais tributou homenaxe a Federico Martín Bahamontes, primeiro español gañador do Tour de Francia, e constituíu o último compromiso para os ciclistas Xacobeo Galicia dunha tempada que estivo marcada no plano colectivo polo triunfo por equipos na Volta a España e a participación no Giro do Centenario.

Establecer como favorito

Envía isto vía electrónica

Trackback(0)

TrackBack URI para este comentario